TV3 Group компаниясының қоғаммен байланыс жөніндегі маманы Карлис Позняковтың айтуынша, бұған дейін Ресейдің тәуелсіз «Дождь» телеарнасына үй-жай жалға берген TV3 Group компаниясы лицензиясынан айырылған арнамен келісімшартын бұзады.
Шешім Ұлттық электронды бұқаралық ақпарат құралдары кеңесі (NEPLP) анықтаған бұзушылықтар мен қайтарып алынған хабар тарату лицензиясы негізінде қабылданды.
Компания жалға алу мерзімінің аяқталатынын және ғимараттың қаңтар айында босатылуы жоспарланғанын мәлімдеді.
«Дождь» арнасы Латвияда 8 желтоқсанда хабар таратуды тоқтатты.
