Жаңа Зеландия супермаркеттерден жеміс-жидек пен көкөністің жұқа пластик пакеттерін алып кіруге тыйым салған әлемдегі алғашқы ел болды, деп хабарлайды BBC.
Басылымның айтуынша, 2019 жылы пластик пакеттерге тыйым салынғаннан кейін сатып алушылардың көпшілігі дүкендерге өз сөмкелерін әкеліп жатыр. «Жаңа Зеландия тым көп қалдық шығарады, тым көп пластик қалдықтар», - деді қоршаған ортаны қорғау министрінің орынбасары Рейчел Брукинг.
Оның айтуынша, билік сауда сөмкелеріне тыйым салғаннан бері миллиардтан астам әлеуетті сөмкелердің өндірілуіне жол берілмеді. Тыйымды кеңейту қоршаған ортаны жылына 150 миллион жаңа сөмкеден құтқарады деп есептеледі.
Бұл шараны сынаушылар сатып алушылар азық-түліктерді супермаркеттерде әлі де бар бір рет қолданылатын қағаз пакеттерге салып қояды деп қорқады. Жаңа Зеландия бойынша 185-тен астам дүкені бар Countdown супермаркет желісі қайта пайдалануға болатын полиэстер торлы пакеттерді сата бастады.