Стамбұлдың орталығындағы Таксим алаңының маңында ресейлік турист жүрегіне пышақ тиіп қайтыс болды, деп хабарлайды Haberturk. Төбелес 40 жастағы Владислав Нечипорчук пен тағы төрт адамның арасында басталды.
Орыстың жүрегіне пышақ сұққан шабуылдаушылар қашып кетті. Оқиғаны көрген куәгерлер жағдайды полиция мен медицина қызметкерлеріне хабарлады. Нечипорчук ауруханада қайтыс болды.
«Біз қолында пышақ ұстаған ер адамды көрдік. Ол оны бұлғап жатты. [Марқұмның] жерде жатқан киімдерін алған кезде көп қан көрдік. Біз алғашқы медициналық көмек көрсетуге тырыстық», - деді куәгер Хусейн Йорулмаз.
Полиция екі күдіктіні тұтқындағанын хабарлады. Қалғандарын іздеу жалғасуда. Ресейдің Бас консулдығы құқық қорғау органдарымен байланыста екенін хабарлады.