Ресей президенті Владимир Путин «Деловая Россия» ұйымының мүшелерімен кездесуде елде бес жылдық «шығармашылық кәсіпкерлік еңбек» кезеңін жариялауды ұсынды. Бұл туралы бүгін, 26 мамырда Lenta.ru Кремльдің Telegram арнасындағы хабарға сілтеме жасай отырып хабарлады.
«Мемлекет басшысының айтуынша, жоғарыда аталған бесжылдық кезең жай ғана ресми іс-шаралармен емес, нақты, мазмұнды жұмыстармен толтырылуы тиіс. Нақтырақ айтқанда, бизнес және инвестициялық ахуалды жақсарту бойынша жұмыс істеу қажет», - деп жазады басылым. «Сонымен қатар, Путин экономикалық салалардың тиімділігін арттыруға және жаңғыртуға, адами ресурстар мен кәсіби білім беруге, мемлекеттік-жекеменшік серіктестіктің жаңа форматтарына, аймақтармен және муниципалитеттермен өзара іс-қимылға назар аудару қажет деп санайды».
Путин билік бұл тақырып бойынша «Деловая Россиядан» маңызды ұсыныстар күтіп отырғанын қосты.