агенттігінің хабарлауынша , Польша билігі Беларусьпен шекараны мерзімін көрсетпей жабу туралы шешім қабылдады.
Бұл туралы елдің Ішкі істер министрі Марчин Кервинский TokFM арнасында хабарлады.
Шенеуніктің айтуынша, бұл шешім Ресей-Беларусь әскери жаттығуларына қатысты, бірақ олардың күндерімен шектелмейді. «Шекараның жабылуы жаттығулар уақытына емес, оларға байланысты. Шекараның жабылуы мерзімсіз», - деп атап өтті Кервинский.
Министр жағдайды үнемі бақылауда ұстауға уәде беріп, «Біз бұл шекараны бір күнге де бекерге жабық ұстамаймыз» деп сендірді.
Кервинский Польша жағы мигранттардың қысымы мен шекараны бұзу әрекеттеріне тап болып жатқанын түсіндірді. «Польшаға өту әрекеттері мен Польша қауіпсіздігіне қауіп төндіретін адамдардың келуімен қатар, миграциялық қысым артып келеді. Сондықтан бұл қатал шешім қабылданды», - деп атап өтті ол.
Бұған дейін Ішкі істер министрлігінің басшысы шекара өткелдері Варшава «поляк азаматтарына ешқандай қауіп төнбейтініне 100% сенімді болғаннан кейін ғана» қайта ашылатынын мәлімдеген болатын.
Шекара 12 қыркүйек түні түн ортасында «ұлттық қауіпсіздік мақсатында» жабылады. Тек автомобиль жолдары ғана емес, теміржол өткелдері де жабылады.