Швеция ғалымдары ауыр аурудан шамадан тыс қорқатын адамдардың ерте қайтыс болатынын анықтады, деп хабарлайды JAMA Psychiatry ғылыми журналы .
Ипохондрия - сирек кездесетін ауру, оның белгілері қарапайым денсаулыққа қатысты мәселелерден тысқары шығады. Бұл бұзылыстан зардап шегетін адамдар тексерулер мен зертханалық зерттеулерге қарамастан, қорқыныштарынан арыла алмайды.
«Көпшілігіміз жеңіл ипохондрикпіз. Бірақ спектрдің екінші жағында үнемі алаңдаушылық, азап шегу және ауыр науқасқа шалдыққанымыз туралы сандырақтау күйінде өмір сүретін адамдар бар», - деді Нью-Йорк қаласындағы Монтефиоре медициналық орталығының докторы Джонатан Э. Альперт.
Зерттеушілер гипохондрия диагнозы қойылған 4100 адамды зерттеп, оларды диагнозы жоқ, бірақ жасы, жынысы және тұратын аймағы бойынша сәйкес келетін 41 290 науқастың деректерімен салыстырды. Жалпы өлім-жітім деңгейі гипохондриямен ауыратын адамдар арасында жоғары болды.
Бұл аурумен ауыратын адамдар басқаларға қарағанда жас қайтыс болды, орташа жасы 70 пен 75 жасты құрады. Қан айналымы және тыныс алу жолдарының ауруларынан қайтыс болу қаупі жоғары болды. Қатерлі ісік ерекшелік болды: одан қайтыс болу қаупі шамамен бірдей болды. Табиғи емес себептерден болатын өлімнің көпшілігі суицид болды.
Альперттің айтуынша, тым мазасыз науқасты психикалық денсаулық сақтау маманына жолдау сақтықты талап етеді. Ипохондриялық адам өз симптомдарын жалған деп айыпталғандықтан ренжуі мүмкін.
«Біз пациенттерге үлкен құрметпен және сезімталдықпен бұл өз алдына бір ауру екенін, оның атауы бар екенін жеткізуіміз керек. Бақытымызға орай, жақсы емдеу әдістері бар», - деп қосты Альперт.