Renault Group ресейлік АвтоВАЗ-дағы өз үлесін сатады. Ресейдің мемлекеттік корпорациялары бұл үлесті сатып алуы мүмкін.
Renault компаниясының қаржы директоры Тьерри Пьетон басылымға берген сұхбатында компания ресейлік еншілес компаниясы АвтоВАЗ-дың болашағы туралы келіссөздерде ілгерілеушілікке қол жеткізгенін айтты. Компания Lada Auto Holding бірлескен кәсіпорнының 67,6% үлесін сатуға дайындалып жатыр. Бұл топтың Ресей нарығынан толығымен шығатынын білдіреді.
Мамыр айында Renault өкілдерінің көпшілігін Тольяттиден шығару немесе қашықтан жұмыс істеуге ауыстыру жоспарлануда. Шетелдік менеджерлер қайтып оралмайды.
Ресейдің «Ростех» мемлекеттік корпорациясы немесе Ресейдің Өнеркәсіп және сауда министрлігі бақылайтын құрылымдар «АвтоВАЗды» сатып алуы мүмкін. Әлеуетті мәміленің бағасы жарияланған жоқ.
Естеріңізге сала кетейік, Renault наурыз айының соңында Мәскеудегі зауытының жұмысын тоқтатты.
