«Би-2» тобының бұрынғы клавишник және барабаншысы Николай Плявин Мәскеудегі жалға алынған пәтерде өлі күйінде табылды, деп хабарлады төтенше жағдайлар қызметі ТАСС агенттігіне.
«Би-2 музыкалық тобының мүшесі Николай Плявин Мәскеудегі Фестиваль көшесіндегі жалға алынған пәтерде өлі күйінде табылды. Алдын ала тергеулер өлімнің қылмыстық астары жоқ екенін көрсетеді», - деді агенттіктің дереккөзі.
Оның айтуынша, музыканттың денесі сот-медициналық сараптамаға жіберілді. «Нақты себебі анықталып жатыр», - деп қосты төтенше жағдайлар қызметінің өкілі.
Николай Плявин - Би-2 тобының бұрынғы клавишник және барабаншысы. Ол топта 1999 жылдан 2006 жылға дейін болды.
