Украинадағы соғыс мәдени байланыстардың бұзылуына және үзілуіне әкеліп соқты.
Мемлекеттік Эрмитаж мұражайы Миландағы екі мұражайдан, Palazzo Reale және Galleria d'Italia мұражайларынан көрмелерге жалға берілген 25 картинаны қайтаруды сұрады. Олардың арасында Тицианның «Жас әйелдің портреті» және Джованни Карианидің «Азғыру (қарт еркек пен жас әйел)» картиналары бар.
ЮНЕСКО-да Ресей әскерлері Киевке жақындаған сайын мәдени мұра нысандарының қауіпсіздігіне қатысты алаңдаушылық артып келеді.
Лазар Элундау, ЮНЕСКО-ның Дүниежүзілік мұра орталығының директоры: «Киев қаласында біз үшін үлкен алаңдаушылық тудыратын, Дүниежүзілік мұра нысаны бар. Мұнда екі өте маңызды кешен орналасқан: Әулие София соборы және Киев Печерск лаврасы. Бұл екі нысан Орыс православие шіркеуінің пайда болуының куәсі».
ЮНЕСКО-ның Дүниежүзілік мұра орталығының директоры Ресейді қоса алғанда, мүше мемлекеттерді халықаралық құқықты құрметтеуге және «Украинада орналасқан маңызды мәдени нысандарды нысанаға алмауға» шақырды.
