24 тамызда Telegram мессенджерінің негізін қалаушылардың бірі Павел Дуров Францияның Ле-Бурже әуежайында ұсталды.
«Интерфакс» агенттігінің француздық TF1 телеарнасына сілтеме жасай отырып хабарлауынша , тұтқындау француз билігінің Telegram-ға қатысты алдын ала тергеуіне байланысты. Дуров жеке ұшағы қонғаннан кейін бірден ұсталып, қазіргі уақытта әуежайдың иммиграциялық ұстау орталығында отыр.
Ресейлік ВКонтакте әлеуметтік желісінің негізін қалаушы ретінде танымал Павел Дуров Telegram хабар алмасу қосымшасын 2013 жылы құрды, ол қазір әлемдегі ең танымал төртінші хабар алмасу қосымшасы болып табылады. 2024 жылдың шілде айындағы жағдай бойынша Telegram-да шамамен 950 миллион белсенді пайдаланушы бар және оның құны 30 миллиард долларды құрайды.
2021 жылы Франция азаматтығын алған Дуров жақында негізінен Telegram-ның бас кеңсесі орналасқан Біріккен Араб Әмірліктерінде тұрды. Кәсіпкер Ресейден шамамен 10 жыл бұрын ВКонтакте-ді басқару бойынша Ресей билігімен келіспеушіліктерден кейін кеткен.
Дереккөздердің мәліметінше, Павел Дуров 24 тамыз кешін Парижде өткізуді жоспарлаған және ұсталған . Telegram тергеуінің егжей-тегжейлері әлі белгісіз, бірақ Дуровтың қамауға алынуы оның ықпалы мен хабар алмасу қосымшасының ауқымын ескере отырып, үлкен дау тудырды.
