Украина өз бақылауындағы Курск облысында алғашқы әскери комендатурасын құрғанын жариялады, деп хабарлайды .
Украина Қарулы Күштерінің Бас қолбасшысы Александр Сырский комендатура заңдылық пен тәртіпті қамтамасыз ететінін және жергілікті халықтың қажеттіліктерін қанағаттандыратынын растады. Комендатура басшысы болып генерал-майор Эдуард Москалов тағайындалды.
Қарсы шабуыл басталғаннан бері Украина күштері Курск облысындағы 82 елді мекенді бақылауға алып, Ресей аумағына 35 шақырымға қарай жылжыды. Операция барысында Суджа және тағы үш елді мекен босатылды. 15 тамыздағы жағдай бойынша украин күштері шабуылын жалғастырып, кейбір бағыттар бойынша 500-ден 1500 метрге дейін алға жылжып келеді.
Осы шабуыл кезінде Курск облысынан 120 000-нан астам адам эвакуацияланды, ал Белгород облысы сияқты көршілес аймақтардың тұрғындары да үйлерінен жаппай қашып жатыр. Украина билігі оккупацияланған аумақтарда гуманитарлық операциялар жүргізілетінін хабарлады және көмекке мұқтаж тұрғындар үшін сенім телефонын ашты.
