Ресей жалға алған Қазақстандағы Байқоңыр қаласының әкімшілігінің басшысы Ресей армиясы қатарында Украинаға соғысқа баратын әрбір қала тұрғынына 260 000 рубль (3260 еуро) көлемінде бір реттік жәрдемақы төлеу туралы бұйрыққа қол қойды, деп хабарлайды Meduza.
Бір реттік жәрдемақыны жұмылдырылғандар да, соғысқа ерікті түрде баратын қала тұрғындары да алады.
Тиісті бұйрыққа Байқоңыр әкімшілігінің басшысы 7 ақпанда қол қойды, және бұл ақпарат демалыс күндері қазақстандық БАҚ-та кеңінен жарияланды.
Бұйрықта қалалық бюджеттен төленетін бір реттік жәрдемақылар «әлеуметтік қолдау құралы» ретінде қарастырылғаны айтылған.
Байқоңыр қаласы Қазақстандағы Байқоңыр ғарыш айлағының әкімшілік орталығы болып табылады.
Ресей Байқоңыр қаласы мен ғарыш айлағын 1994 жылдан бері Қазақстаннан жалға алып келеді. Жалдау мерзімі 2050 жылға дейін, жалдау ақысы жылына 115 миллион долларды құрайды.
Байқоңыр қаласы Ресейдегі федералдық маңызы бар қала мәртебесіне ие.
Өткен қыркүйекте жарияланған мобилизациядан кейін Байқоңыр қаласының ерекше мәртебесіне байланысты оның тұрғындары соғыс кезінде Украинаға күштеп жіберілмейтінін мәлімдеді.
