Кеше кешке қайтыс болған бұрынғы Кеңес Одағының президенті Михаил Горбачевтің жерлеу рәсімі сенбі күні өтеді. Саясаткердің қызы Ирина бұл жаңалықты «Интерфакс» агенттігіне растады.
Михаил Горбачевтің жерлеу рәсімі Одақтар үйінің Колонна залында өтеді. Қазіргі уақытта Мәскеуде жүрген Горбачевтің қызы рәсімге қатысады деп күтілуде. Оның немерелері де қатысады, деп хабарлайды ria.ru дереккөзге сілтеме жасай отырып.
Михаил Горбачев ұзаққа созылған ауыр науқастан кейін 30 тамызда Мәскеуде қайтыс болды. Ол жақында бүйрек ауруымен ауырып, гемодиализ алып жүрген. Ол 91 жаста еді.
Горбачев қоры жерлеу рәсімі Мәскеудегі Новодевичье зиратында өтетінін хабарлады. Саясаткер әйелі Раисаның қасына жерленеді.
