Финляндия премьер-министрі Санна Марин күдіктенбеу үшін есірткіге тест тапсырды. Оған оның кешке қатысып жатқаны туралы жанжалды видео себеп болды, деп хабарлайды Yle.
«Соңғы күндері менің есірткі қолдандым деген бірнеше ауыр айыптаулар айтылды. Мен бұл айыптауларды өте ауыр және маңызды деп санаймын. Өзімнің заңды қорғауым үшін, есірткіге тест тапсыру талабын негізсіз деп санасам да, бүгін осы күдіктерден арылу үшін есірткіге тест тапсырдым», - деді Марин.
Финляндия премьер-министрі нәтижелер бір аптадан кейін дайын болатынын және БАҚ-та жарияланатынын қосты. Ол жасөспірім кезінде де есірткі қолданбағанын айтты.
