«Беларусь президенті Александр Лукашенко Ресейге сапармен барды.
Владимир Путинмен келіссөздер Ресейдің Қиыр Шығысындағы «Восточный» ғарыш айлағында өтіп жатыр. Екі көшбасшы Беларусьтің Украинамен келіссөздерге қатысу ниетін талқылайды деп хабарланды. Шамасы, Минск Украина қауіпсіздігінің кепілгерлерінің бірі болғысы келеді, ал Мәскеу бұл идеяны алға тартып отыр. Ресей сыртқы істер министрі бұл ұсынысты бірнеше күн бұрын жасаған.
Дүйсенбіде мемлекеттік теледидарға берген сұхбатында Сергей Лавров Ресей келіссөздерді тоқтатуға ешқандай себеп көрмей отырғанын айтты, бірақ тараптар қайта бас қосқан кезде Мәскеу әскери әрекеттерін тоқтатпайтынын атап өтті.
Сонымен қатар, Украинамен шекаралас бірнеше Ресей аймағының билігі қауіпсіздік шараларын күшейтіп, террористік қауіп туралы сары дабыл жариялады. Бұл аймақтардың тұрғындарына көпшілік жиналатын орындардан аулақ болуға және жеке басын куәландыратын құжаттарды алып жүруге кеңес берілді.
