Ресей сыртқы істер министрі Сергей Лавров Украинадағы соғысты 9 мамырға дейін аяқтау мүмкіндігі туралы сұраққа жауап берді. Сыртқы істер министрі бұл тек барлық мақсаттарына қол жеткізілгеннен кейін ғана аяқталатынын мәлімдеді.
«Ол (Украинадағы соғыс – ред.) мақсаттарға қол жеткізілген бойда аяқталады», - деді Лавров.
Министр Украинаның қауіпсіздік кепілдігі бойынша келіссөздерді бұзды деп тағы да украин тарабын айыптады. Ол Мәскеу диалогты «адал ниетпен» жүргізген деп мәлімдеді.
Естеріңізге сала кетейік, бүгін поляк БАҚ-қа берген сұхбатында Украина президенті Владимир Зеленский Ресеймен келіссөздер жүргізу мүмкіндігі туралы пікір білдірді. Ол Буча мен басқа қалаларда орыс оккупанттары жасаған зұлымдықтардан кейін украиндықтар оларды өлтіруге дайын екенін, бірақ соғысты тоқтату мүмкіндігі болса, келіссөздер жүргізуі керек екенін мәлімдеді.
Айта кету керек, Зеленский поляк журналистерімен әңгімелесу барысында елдің қауіпсіздік кепілдігінің формуласын ұсынды.
