Жаңа жыл қарсаңында Санкт-Петербургтің орталығында мигранттарға қарсы ірі рейд өтті, деп хабарлайды «Фонтанка»
Полиция мен тәртіп сақшылары шетелдік азаматтардың құжаттарын тексерді. Құжаттары күдік тудырғандар ұсталып, полиция бөлімшелеріне жеткізілді.
Басылымның мәліметінше, 1 қаңтар түні құқық қорғау органдарының қызметкерлері көліктерді тексеруге де назар аударған. Жол полициясының қызметкерлері құжаттарды тексеру және қару немесе есірткі сияқты тыйым салынған заттарды іздеу үшін көліктерді тоқтатқан.
Қауіпсіздік шараларының күшейтілгеніне қарамастан, қала тұрғындары кешкі сағат 8-ге қарай орталық көшелерді толтыра бастады. Дегенмен, Сарай алаңында немесе Невский даңғылында көп адам жиналған жоқ.
