Украина президенті Владимир Зеленский Финляндияға күтпеген сапармен келді, деп хабарлады оның баспасөз хатшысы Сергей Никифоров.
Оның айтуынша, Зеленский Финляндия президенті Саули Ниинистёмен және Финляндия парламентінің спикері Петтери Орпомен келіссөздер жүргізеді, сондай-ақ Украина-Солтүстік Еуропа саммитіне қатысады.
«Украина мен бес Скандинавия елі көшбасшыларының кездесуі біздің елімізге әскери көмек көрсетуді және Украинаның еуропалық және еуроатлантикалық интеграциясын одан әрі үйлестіру үшін ұйымдастырылды. Кездесуден кейін бірлескен мәлімдеме қабылданады деп күтілуде», - деп жазды Никифоров Facebook-те.
Сонымен қатар, Украина Президенті Дания, Исландия, Норвегия және Швеция Премьер-министрлерімен бөлек екіжақты кездесулер өткізеді.
Финляндия Президентінің Кеңсесі де Зеленскийдің сапары туралы хабарлады. Баспасөз хабарламасында мемлекет басшыларының Украинаның Ресей агрессиясынан қорғануына Финляндияның қолдауын, екі ел арасындағы екіжақты қарым-қатынастарды және жаһандық геосаяси жағдайды талқылайтыны айтылған.
Президенттердің жұмыс түскі асына премьер-министр Санна Марин мен Сыртқы істер министрі Пекка Хаависто да қатысады.
