Украина президенті Владимир Зеленский елдің аумақтық тұтастығы мен егемендігіне ешқандай ымыраға келуге болмайтынын мәлімдеді. Мемлекет басшысы Ресеймен келіссөздерді жалғастыруға дайын екенін атап өтті.
«Украина (Ресеймен – ред.) келіссөздерге міндетті және келіссөз процесін бізге байланысты болғанша жалғастырады. Біз нәтижеге үміт артамыз, бірақ еліміз үшін нақты қауіпсіздік болуы керек», - деді Зеленский.
Мемлекет басшысы Ресей әскерлері басып алынған аумақтардан шығуы керек екенін, елдің егемендігі мен аумақтық тұтастығына кепілдік берілуі керектігін атап өтті.
«Егемендік пен аумақтық тұтастыққа қатысты ешқандай ымыраға келу мүмкін емес және болмайды да. Бұл айқын қағидаттар және мүмкін болатын нәтиженің көрінісі», - деп қосты Украина президенті.
Зеленский әлеуметтік желілердегі мәлімдемелерді шындық сияқты қабылдайтындарға украиндықтар демократиялық мемлекетте өмір сүріп жатқанын және өз бостандықтары үшін күресіп жатқанын еске салды.
«Сондықтан, бүкіл халық (Украина – ред.) үшін маңызды кез келген шешімдерді бір адам немесе саяси көзқарасы бар адамдар тобы емес, бүкіл халқымыз қабылдауы керек», - деп атап өтті мемлекет басшысы.
