Euronews жариялаған деректерге сәйкес, Еуропадағы әйелдер мен жастар пандемияға байланысты жұмысынан айырылу ықтималдығы жоғары. 2020 жылдың тамыз айында жұмыссыздар саны 15,5 миллионға жетті немесе еңбекке жарамды халықтың 7%-дан астамын құрады. Соңғы айларда тағы 238 000 еуропалық жұмысынан айырылды.
Биыл жазда 25 жасқа дейінгі 64 000 ЕО азаматы жұмыстан шығарылды. Әйелдер арасында жұмыссыздық деңгейі бір айдың ішінде 0,1%-ға өсті, ал ерлер арасындағы көрсеткіш өзгеріссіз қалды. Экономистер коронавирустың екінші толқыны мен қатаң шектеулерге байланысты Еуропадағы жұмыссыздық алдағы айларда да өсе береді деп болжап отыр.
