«Оппозициялық платформа – Өмір үшін» партиясының Мариуполь қалалық кеңесінің депутаттары ресейліктерге қаланың маңызды инфрақұрылымының орналасқан жері туралы ақпарат берді.
«Олар (орыстар – ред.) қайда ату керектігін білетін. Координаттарды беретін сатқындар көп болды. Бізде бардың бәрі, қаланың маңызды инфрақұрылымы деп саналатынның бәрі алғашқы жеті күнде қирады», - деді Бойченко.
Ол Мариупольдегі барлық энергия көздерінің қайда екенін өзі де білмейтінін, бірақ орыстар алғашқы бірнеше күнде оларды жойып жібергенін айтты. Су көздеріне, байланыс желілеріне, азық-түлік пен дәрі-дәрмек қоймаларына да соққы тиді.
Мариуполь мэрі басқыншылардың негізгі ақпарат берушілері кейіннен басып алынған қаланы басқаруға келген «Оппозициялық платформа - Өмір үшін» партиясының жергілікті депутаттары болғанын атап өтті.
Естеріңізге сала кетейік, бұған дейін Мариупольде қазіргі уақытта су тапшылығы сезіліп жатқаны хабарланған болатын. Жуыну мүмкін емес, ал ауыз су тапшы.
Біз сондай-ақ Денсаулық сақтау министрлігінің мәліметі бойынша, Мариупольде тырысқақ эпидемиясының қаупі артып келе жатқанын хабарладық.
