Оңтүстік Корея билігі 2027 жылға қарай иттерді тұтынуға тыйым салуды жоспарлап отыр, деп хабарлайды inbusiness.kz Daily Mail басылымына сілтеме жасап.
Бастама авторларының айтуынша, тыйым жануарлар құқықтары туралы хабардарлықтың артуы аясында енгізіледі.
«Ит етін тұтынуға қатысты әлеуметтік қақтығыстар мен дауларды тоқтату үшін осы құбылысты тоқтатуға бағытталған арнайы заң қабылдау керек», - делінген мәлімдемеде.
Заң жобасы ұсынылғаннан кейін оны ел парламенті мақұлдауы керек.
Humane Society International ұйымы бұл қадамға түсініктеме бере отырып, бұл шешім «осы қатыгездікті тоқтату үшін қатты күрескен барлығымыз үшін арманның орындалғаны» деп мәлімдеді.
«Оңтүстік Корея үкіметінің ит еті индустриясына тыйым салуға дайын екендігі туралы жаңалық біздің барлығымыз үшін орындалған арман сияқты», - деп түсініктеме берді ұйым өкілдері.
БАҚ хабарлауынша, ит етін жеу Корей түбегінде ұзақ уақыт бойы қалыптасқан дәстүр және жазғы аптап ыстықпен күресудің бір жолы ретінде қарастырылады. Дегенмен, деректер мұндай тағамдардың танымалдылығы жыл сайын төмендеп келе жатқанын көрсетеді.
