Санкт-Петербургтегі Болгарияның Бас консулдығы Шенген визасына өтініштерді қабылдауды және кіру құжаттарын беруді бастады.
ТАСС агенттігінің хабарлауынша, Санкт-Петербург тұрғындары енді 1 сәуірден бастап Саперный көшесі, 11 мекенжайы бойынша Шенген визаларын ала алады. Шенген визаларын Мәскеуде де Болгария елшілігінің консулдық қызметі арқылы алуға болады.
2023 жылдың 31 желтоқсанынан бастап Еуропалық Одақ Кеңесі Болгария мен Румыния үшін «ішінара Шенген» енгізді. Туристер 2024 жылдың 31 наурызына дейін берілген қысқа мерзімді ұлттық визаларды (С типі) тек Болгарияға кіру және Румыния мен Кипрге саяхаттау үшін пайдалана алады. Ұзақ мерзімді визалар (D типі) қалған Шенген елдеріне «қысқа мерзімді сапарларға» мүмкіндік береді.
Румыния 31 наурыздан бастап Ресей азаматтарына Шенген визаларын бере бастады. Өтініштер Мәскеу, Санкт-Петербург және Ростов-на-Дону қалаларындағы Румыния консулдықтарында қабылданады. 31 наурыздан кейін берілген бірыңғай визалар Шенген аймағына кез келген 180 күндік мерзім ішінде 90 күнге дейін кіруге мүмкіндік береді.
