Мысырдың танымал Хургада курортында туристі акула жеп қойды. Зардап шеккен адам 23 жастағы ресейлік болды. Бұл ақпаратты ТАСС агенттігіне Ресейдің бас консулы Виктор Воропаев растады.
Қайғылы сәтті куәгерлер камераға түсіріп алған. Бұл Дрим Бич маңында болған. Демалушылардың айтуынша, акула жүзіп жүрген адамға шабуыл жасап, оны су астына сүйреп апарған.
Ресей азаматының қайтыс болғанын Мысыр билігі растады. Қайғылы оқиғадан кейін жағажай жабылды. Жергілікті билік жүзуге және сүңгуге уақытша тыйым салды.
Бұл Мысыр курорттарында демалушыларға акула шабуылдарының бірінші рет болуы емес. 2022 жылы Мысыр екі әйелдің өлімінен кейін кейбір жағажайларды жапты.
