Германияның Ішкі істер министрлігі Ресейдің Испаниядағы Кузьминовтың өліміне қатысы бар деп күдіктенуде.
Германияның Ішкі істер министрлігі Ресейдің Ми-8 тікұшағын басып алып, Украинаға қашып кеткен ұшқыш Максим Кузьминовтың өліміне қатысы бар деп күдіктенеді, деп мәлімдеді Германияның Ішкі істер министрі Нэнси Фезер.
«Біздің қауіпсіздік органдарымыз Испания билігімен байланыста. Ресейлік қашқынның өліміне қатысты тергеу жұмыстары қарқынды жүріп жатыр. Қазіргі уақытта белгілі мән-жайларға сүйене отырып, Ресейдің қатысы болуы мүмкін», - деді Нэнси Фезер Bild . Дегенмен, ол ешқандай дәлел келтірмеді немесе ақпарат көзін көрсетпеді.
Кузьминов 2023 жылдың қыркүйегінде ресейлік тікұшақты басып алды. Бортта сатқынның жоспарларынан бейхабар тағы екі экипаж мүшесі болды. Олар Украинаға қонғаннан кейін қаза тапты, ал Кузьминов марапатты алды.
Кейінірек қашқын Испанияда өлі күйінде табылды. Оның денесінен оқ жарақаттары табылғандығы туралы хабарламалар болды. Испания БАҚ-тарының хабарлауынша, Кузьминов елге Испания билігі берген жалған құжаттарды пайдаланып кірген. Испания полициясы Кузьминовты Украинаның барлау қызметтері «ыңғайсыз» куәгер ретінде жойған болуы мүмкін деп күдіктенеді.
