ID.3 хэтчбектен кейінгі «электрлік» ID тұқымдасының екінші моделі Volkswagen ID.4 кроссовері Еуропа нарығына шықты. Орташа өлшемді жол талғамайтын көлік WLTP цикліне сәйкес 148-ден 240 ат күшіне дейінгі және 508 шақырымға (318 миль) дейінгі жүріс қашықтығы бар үш қуат нұсқасында ұсынылады.
Барлық нұсқалары тек артқы жетекті, яғни артқы оське орнатылған бір электр қозғалтқышымен жабдықталған. Pure базалық комплектациясында (бағасы 37 000 еуродан басталады) ол 148 ат күшін өндіреді, ал 52 киловатт-сағат литий-ионды аккумулятор 345 шақырымға дейін жүруді қамтамасыз етеді.
Pure Performance нұсқасы базалық модельден 170 ат күшіне дейін күшейтілген қозғалтқыш қуатымен және жақсартылған жабдықпен ерекшеленеді. Нәтижесінде, салмағы сәл ауырлау болғандықтан, ID.4-тің жүріс қашықтығы 343 шақырымға дейін қысқарады.
Соңында, ең жоғары сапалы және ең қымбат Pro Performance нұсқасы (44 450 еуродан бастап) ең қуатты 204 ат күші бар электр қозғалтқышына және 77 киловатт-сағат қуаттылығы бар кеңейтілген батареяға ие, ол идеалды жағдайларда 508 шақырымға дейін жүруді қамтамасыз етеді. https://www.youtube.com/embed/q9Y7g7xaHjs
Өткен жылдың тамыз айынан бастап Цвиккау зауытында «еуропалық» Volkswagen ID.4 сериялық өндірісі басталды. Осы жол талғамайтын көліктің қытайлық нұсқасы екі бірлескен кәсіпорында – SAIC-Volkswagen және FAW-Volkswagen – локализацияланған, бірақ екі көліктің дизайны мен безендірілуі аздап ерекшеленеді.
