Бұл ЕО мен НАТО-ға мүше ел парламентінің алғашқы шешімі.
Эстония парламенті НАТО-ны Украина аспанын агрессор Ресейге жабуға шақыру туралы шешім қабылдады.
Бұл туралы Украина Жоғарғы Радасының спикері Руслан Стефанчук мәлімдеді.
«Өз атымнан, украин парламентарийлерінің және бүкіл халықтың атынан Эстония Республикасы Парламентінің спикері Юри Ратасқа және барлық депутаттарға Украинаға көрсеткен батылдығы мен адалдығы үшін шын жүректен алғыс айтамын. Бұл шешім әлемдегі басқа парламенттер үшін табандылықтың үлгісі болуы керек. Өйткені, парламентарийлер - халықтың өкілдері. Ал әлем халықтары бейбітшілік орнату және Украина аспанын жабу үшін шешуші әрекеттерді талап етеді», - деп жазды Руслан Стефанчук.
Естеріңізге сала кетейік, Зеленский НАТО-ны Украина аспанын жабуға шақырды. Президент өткен жылы НАТО көшбасшыларына Ресейге қарсы қатаң алдын алу санкциялары болмаса, соғысқа баратынын ескерткенін еске салды.
