Швеция ресми түрде 11 наурызда НАТО мүшесі болады, деп хабарлады TV4 Nyheterna.
«Швеция туы дүйсенбі күні түстен кейін Брюссельдегі НАТО штаб-пәтерінде көтеріледі. Бұл елдің НАТО-ға мүшелігінің басталуын білдіреді», - делінген арна мәлімдемесінде.
Қабылдау рәсімі Брюссельде өтеді. Тиісті құжаттарға қол қойылып, ту көтеріледі.
Швеция НАТО-ның 32-ші мүшесі болады. Венгрия бұған дейін Стокгольмнің одаққа қосылу туралы өтінішін ратификациялаған болатын. Финляндия өткен жылы әскери блокқа қабылданды.
