Ресей әскерлері басып алған Украинаның Херсон облысының «жаңа билігі» Ресей Федерациясына қосылу туралы референдумға дайындықты бастағанын мәлімдеді, деп хабарлайды Meduza.
Кирилл Стремусов референдум туралы жариялады. Путинді қолдайтын ресейлік БАҚ оны аймақтың жаңа «әскери-азаматтық әкімшілігі» басшысының орынбасары деп атайды.
«Біз референдумға дайындалып жатырмыз және оны өткіземіз. Херсон облысы шешім қабылдап, Ресей Федерациясына қосылып, толыққанды құрылымға айналады», - деді Стремусов өзінің Telegram арнасында.
Дегенмен, дауыс берудің нақты күні әлі жарияланған жоқ.
