Қытайдың сөйлеуді тану компаниясы Iflytek өзінің SparkDesk чатботын таныстырды. Ол OpenAI компаниясының ChatGPT-мен бәсекелесуді мақсат етеді.
Презентация барысында Iflytek төрағасы Лю Цинфэн SparkDesk үшін қытай және ағылшын тілдерінде бірқатар тесттер жүргізді. Чатботқа студенттердің эсселерін бағалау немесе Конфуцийдің 2008 жылғы Бейжің Олимпиадасына сапары туралы әңгіме жазу сияқты әртүрлі тапсырмалар жүктелді.
SparkDesk өз міндеттерін сәтті орындап, іс-шараға қатысушылардың бірнеше сұрақтарына жауап берді. Цинфэн компанияның ағылшын тілінде сөйлеуді түсінуде ChatGPT-ге жету және қытай тілін түсінуде OpenAI технологиясынан асып түсу ниетін білдірді.
Айта кету керек, Iflytek өзінің чатботын жасап шығарған жалғыз қытайлық компания емес. Bloomberg бұған дейін қытайлық интернет-гигант Baidu компаниясының ChatGPT-ке бәсекелес құру жоспарлары туралы хабарлаған болатын.