Италияның бұрынғы премьер-министрі 86 жаста еді.
Италияның бұрынғы премьер-министрі және Forza Italia партиясының негізін қалаушы Сильвио Берлускони 86 жасында қайтыс болды, деп хабарлайды Corriere della Sera.
Саясаткер Миландағы Сан-Раффаэле ауруханасында қайтыс болды.
Сәуір айында Берлускониге лейкемия диагнозы қойылып, кейіннен пневмониямен ауырғаны, содан кейін Сан-Раффаэле ауруханасында 45 күн жатқаны жарияланды. Ол бұл ауруға байланысты химиотерапия алды. 9 маусымда ол қайтадан ауруханаға жатқызылды.
Сильвио Берлускони 1936 жылы 29 қыркүйекте дүниеге келген. 1960 жылдары ол құрылыс саласында бизнесмен ретінде мансабын бастады, ал 1970 жылдардың соңында Еуропадағы алғашқы ірі коммерциялық телеарнаны құрды. 1986 жылдан 2016 жылға дейін Берлускони AC Milan командасына иелік етті.
Берлускони саясатқа 57 жасында кіріп, еуропалық үкіметті басқарған алғашқы мультимиллиардер болды. 1994 жылы Forza Italia партиясын құрған ол 60 күн ішінде ұлттық парламент сайлауында жеңіске жетті.
Берлускони төрт рет премьер-министр болды (1994, 2001, 2005 және 2008 жылдары), бірақ 2011 жылы жанжалдар мен қудалаудан кейін қызметінен кетті.