Украинаның Naftogaz мұнай-газ компаниясы бейсенбі күні Гаагадағы Тұрақты арбитраждық соттың төрелік соты Ресейге 2014 жылы Қырымды аннексиялау салдарынан украин ұлттық компаниясына келтірілген залал үшін 5 миллиард доллар өтемақы төлеуді бұйырғанын мәлімдеді, деп хабарлайды AFP.
«Нафтогаз» компаниясының бас директоры Алексей Чернышов компанияның Ресейдің Қырымды аннексиялауы нәтижесінде келтірілген шығындарға жауап ретінде «энергетикалық майданда маңызды жеңіске жеткенін» айтты.
«Біз тоғыз жыл бұрын Украина түбегін басып алу кезінде агрессордың негізгі нысаналарының біріне айналған газ кен орындары мен басқа да стратегиялық маңызды инфрақұрылымды игеруге пайдаланылған активтерді өтеу туралы айтып отырмыз», - деп атап өтті ол.
Тұрақты Соттың Арбитраждық соты әзірге ешқандай түсініктеме берген жоқ.
«Нафтогаздың» баспасөз қызметі егер Ресей билігі сот шешімін ерікті түрде орындаудан бас тартса, онда 1958 жылғы Нью-Йорк конвенциясына сәйкес, «Нафтогаздың» Ресей активтері орналасқан елдерде атқарушылық іс жүргізуді бастауға құқығы бар екенін атап өтті.
2019 жылы Гаагадағы Арбитраждық трибунал Ресейдің Қырымдағы Naftogaz активтерін заңсыз тәркілегені туралы шешім шығарды, ал 2022 жылы өтемақы мөлшері бойынша тыңдаулар басталды, деп атап өтті DW.
«Нафтогаз» компаниясы он миллиард доллар талап етті.