Армения премьер-министрі Никол Пашинян армян алкогольдік сусынын «коньяк» деп атауды тоқтатуға шақырды, деп хабарлайды Snob.ru.
31 қазанда өткен үкімет отырысында ол «коньяк» термині Францияда өндірілетін сусынға қатысты ресми түрде қолданылатынын атап өтіп, бұл атауды қолдану Армения үшін экономикалық қиындықтарға әкелетінін қосты.
Пашинян армян өніміне жаңа атау жасауды ұсынып, «коньяк» сөзі армян алкогольді сусындарының жапсырмаларында бір ғасырдан астам уақыт бойы қолданылып келгенімен, бұл армян тектес емес екенін атап өтті. Егер жаңа атау табылмаса, үкімет «армян брендиі» терминін қолдануды қарастырып жатыр.
Арменияның экономика министрі Геворк Папоян елдің «Армян брендиі» деген жаңа атаумен сусын шығара бастағанын мәлімдеді, бұл оның пікірінше, өнімнің нарықтағы ұлттық ерекшелігін нығайтуға көмектеседі.
