Украина әскери қызметкерлерін тасымалдайтын автобустар Мариупольдегі «Азовсталь» зауытынан жолға шықты.
Рейтер агенттігінің хабарлауынша, оқиға орнында болған куәгер украиналық қорғаушылар мінген шамамен 10 автобус Азовстальдан шыққанын хабарлаған. Автобустардың нақты бағыты әлі белгісіз.
«Дүйсенбі күні Reuters агенттігі украин жауынгерлерін тасымалдайтын он шақты автобусты көрді. Автобустарда қанша адам болғанын анықтау мүмкін болмады. Кеңес дәуіріндегі ірі зауыттың орнында шамамен 600 жауынгер, оның ішінде ондаған жараланғандар бар деп есептеледі».
16 мамырда Ресей Қорғаныс министрлігі Мариупольдегі блокададағы «Азовсталь» зауытынан жараланған украин сарбаздарын оккупацияланған аумаққа эвакуациялау туралы келісімге қол қойғанын хабарлады.
Кейінірек Азов полкінің командирі Денис Прокопенко тапсырманы орындағанын және бағыныштыларының өмірін сақтап қалғысы келетінін мәлімдеді.
