Украина президенті Владимир Зеленский Ресейдің уақытша басып алынған Қырым тұрғындарын Украинаға қарсы соғысқа жұмылдыру әрекетін айыптады.
Мемлекет басшысы Қырым халқына үндеу тастап, оларды кез келген мүмкіндікте Украина Қарулы Күштеріне берілуді сұрады.
Президент Ресейдің Қырым тұрғындарын өз армиясына тарту әрекеттерін халықаралық гуманитарлық құқықты бұзу және соғыс қылмысы деп атады.
Ол агрессор ел бұл үшін жауап беретінін атап өтті. Сонымен қатар, Кремльдің мұндай әрекеттері «Ресейге қарсы санкцияларды күшейтудің дәлелі болып табылады».
«Сондықтан мен Қырым тұрғындарына да айтқым келеді: кез келген кезеңде бұл оқиғаны саботаждаңыздар, егер бұл нәтиже бермесе, қылмыстық бұйрықтарды орындамаңыздар және алғашқы мүмкіндікте беріле беріңіздер. Украина Қарулы Күштеріне бағыныңыздар. Біз түсінеміз. Сіздер аман қаласыздар», - деді Зеленский.
Бұған дейін Украина Ресей Федерациясының уақытша оккупацияланған аумақтардағы азаматтарын әскерге шақыруын және жұмылдыруын айыптағаны хабарланған болатын.
