Әлем жылынып, мұздықтар еріген сайын, Арктика жақын арада жаңа вирустық пандемия үшін құнарлы жерге айналуы мүмкін.
Proceedings of the Royal Society B: Biological Sciences журналында жарияланған жаңа зерттеуде ғалымдар Солтүстік поляр шеңберінің солтүстігіндегі ең үлкен көл - Хейзен көлінің топырағы мен шөгінділерін талдады. Топырақ пен шөгіндіде кездесетін ДНҚ мен РНҚ-ны секвенирлеу арқылы ғалымдар қоршаған ортада кездесетін вирустарды анықтауға тырысты.
Алгоритмді қолдана отырып, ғалымдар вирустардың таралу және адамдарға жету қаупін анықтай алды.
«Еріп жатқан мұздықтардан су ағынына байланысты қауіп артып келеді. Бұл климаттың өзгеруіне байланысты. Арктика жаңа пандемиялар үшін құнарлы жерге айналуы мүмкін», - делінген зерттеуде.
Бұрынғы зерттеулер мұздықтардың еруі нәтижесінде жануарлар мен адамдарға жетуі мүмкін әртүрлі патогендер, паразиттер және вирустар бөлінуі мүмкін екенін көрсетті. Сондықтан, қазір климаттың әсерінен қоршаған ортаның өзгеруі мен жаңа аурулардың пайда болуы арасындағы байланысты түсінудің уақыты келді.
