Санкт-Петербургтегі жаңа «Горный институт» метро станциясында төрт эскалатордың үшеуі ашылғаннан кейін бірнеше минут ішінде жұмысын тоқтатты, деп хабарлайды «Фонтанка»
Оқиға 28 желтоқсан таңертең нысанның іске қосылуын хабарлап жүрген журналистердің көзінше болды.
Санкт-Петербург метросының директоры Евгений Козин тоқтаудың шамадан тыс жүктелген механизмге байланысты екенін түсіндірді: «Шынжырлар созылып, блоктау жүйесі іске қосылды. Төтенше жағдайлар бригадасы барлық олқылықтарды жөндеп қойды».
Сонымен қатар, станцияда мобильді интернет жоқ, бұл журналистердің жұмысына және жолаушылар арасындағы байланысқа кедергі келтіреді. Метро өкілдері қызмет қашан қалпына келетінін әлі нақтылаған жоқ.
«Горный институт» станциясы Санкт-Петербургте бес жыл ішінде ашылған алғашқы жаңа метро станциясы болды. Оның ашылуы бастапқыда 2015 жылға жоспарланған болатын, бірақ мерзімі бірнеше рет кейінге қалдырылды.
