Рим Папасының айтуынша, қазір Украинада болып жатқан оқиғалар варварлық.
Рим Папасы Франциск Ресей Федерациясы 24 ақпанда бастаған Украинадағы соғысты тоқтатуға шақырды. Ол балалар, әйелдер және сарбаздар өліп жатыр деп мәлімдеп, оны варварлық деп атады.
Бұл туралы Vatican News хабарлады.
«Құдайдың атымен, сізден жалынамын: бұл қырғынды тоқтатыңыздар! Ауыр жүрекпен мен соғысты тоқтатуды өтініп жатқан қарапайым адамдардың дауыстарына қосыламын», - деді Рим Папасы.
Ол сондай-ақ қатыгездікке, балалардың, бейкүнә және қарусыз бейбіт тұрғындардың өлтірілуіне қатты қайғырып, Украина қалаларын зиратқа айналдырмас бұрын, қолайсыз қарулы агрессияны тоқтатуға шақырды.
«Құдай бар, бірақ тек бейбітшілік Құдайы ғана бар, соғыс Құдайы емес, ал зорлық-зомбылықты қолдайтындар оның есімін қорлайды», - деп қосты Рим Папасы.
Естеріңізге сала кетейік, бұған дейін Рим Папасы Ресейдің Украинадағы шабуылын тоқтатуға және гуманитарлық дәліздер құруға шақырған болатын.
Сонымен қатар, Ватикан Украинадағы атысты тоқтатуға делдал болуға дайын.
