Мемлекеттік Дума мектеп оқушыларын қоғамдық жұмыстарға тартуды міндеттейтін заң жобасын екінші және үшінші оқылымда қабылдады, деп хабарлайды ТАСС.
«Ресей Федерациясындағы білім беру туралы» Заңға түзетулер енгізіледі. Сонымен қатар, ата-аналарының келісімінсіз мектеп оқушыларын жұмысқа алуға тыйым салатын ереже алынып тасталады.
Заң жобасы сыныптарды тазалау және безендіру, мектеп аумағына ағаш отырғызу, кітапхана мен мұражайға көмектесу және театр костюмдерін тігуді қамтиды.
Мемлекеттік Думаның спикері Вячеслав Володиннің айтуынша, ата-аналар мен оқушылар депутаттардан еңбек тәрбиесін мектеп бағдарламасының ажырамас бөлігі етуді бірнеше рет сұраған. «Егер ата-аналар балаларының шынайы азамат болып өсуін қаласа, олар еңбекке оң көзқарас қалыптастыруы керек. Тек еңбек арқылы ғана кейінірек шешуі қажет болатын көптеген мәселелерге көзқарас қалыптастыруға болады. Бала басқа адам болып өседі. Үйлесімділік келеді», - деді ол.
Мемлекеттік Дума отырысында түзету енгізілді, оған сәйкес «Өмір қауіпсіздігінің негіздері» (ӨҚН) курсы «Отан қауіпсіздігі мен қорғанысының негіздері» деп өзгертіледі.
