Ресейде соңғы 24 сағат ішінде коронавирус жұқтырудың 6760 жаңа жағдайы тіркелді, деп хабарлады вирустың таралуына қарсы күрес жөніндегі арнайы топ Telegram арнасында.
Жаңа жағдайлар Ресейдің 83 аймағында тіркелді, олардың көпшілігі Мәскеу мен Мәскеу облысында.
Бүгінгі күнге дейін Ресейде 85 аймақта 661 165 инфекция жағдайы расталды. Барлық кезеңде 9 683 өлім тіркеліп, 428 978 адам сауығып кетті.
30 маусым мен 1 шілде аралығында елде коронавирус инфекциясының 6556 жағдайы анықталды. Сол кезде 216 адам қайтыс болып, 10 281 адам сауығып шықты.
Бұған дейін Дүниежүзілік денсаулық сақтау ұйымының (ДДСҰ) Ресейдегі өкілі Мелита Вуйнович елдің коронавируспен күресте «жақсы жолда» екенін мәлімдеген болатын. Дегенмен, ол жағдай өзгеруі мүмкін болғандықтан, ресейліктер сақ болуы керек екенін атап өтті.
