Бас прокуратураның мәліметі бойынша, Украинаның орталығындағы Винницаға жасалған зымыран шабуылынан кемінде 17 адам қаза тауып, жүзге жуық адам медициналық көмекке жүгінген.
Бүгін таңертең қала орталығында бірнеше жарылыс болды. Зымырандар кеңсе ғимаратына тигені, тұрғын үйлерге де зақым келгені хабарланды. Қаза тапқандардың арасында кішкентай бала да бар.
Украина президенті Владимир Зеленский Ресейді шабуылдар үшін азаматтық нысандарды әдейі таңдады деп айыптап, оқиғаны «ашық террористік акт» деп атады.
