Батыстың Ресей мен Беларуське қысымы елдерді «бірігу процестерін жеделдетуге» мәжбүрлеп отыр. Бұл туралы Ресей президенті Владимир Путин Кремль сайтында жарияланған Ресей мен Беларусь аймақтарының IX форумының қатысушыларына арналған үндеуінде мәлімдеді.
«Ұжымдық Батыс деп аталатын елдер тарапынан бұрын-соңды болмаған саяси және санкциялық қысым бізді бірігу процестерін жеделдетуге итермелейді», - деді ол.
Оның айтуынша, Мәскеу мен Минск бірлесіп жұмыс істеу арқылы қабылданып жатқан «заңсыз санкциялардан» келтірілетін залалды азайту, сұранысқа ие өнімдерді өндіруді игеру, жаңа құзыреттіліктерді дамыту және достас елдермен ынтымақтастықты кеңейту оңайырақ деп санайды.
Александр Лукашенко форумға қатысушыларға бейнеүндеуінде бұрынғы КСРО елдері Ресей мен Беларусь одақтас мемлекетімен «егер, әрине, өз егемендігі мен тәуелсіздігін сақтап қалғысы келсе», «шынымен жақындасуға мүдделі болуы керек» деді.
2021 жылдың қыркүйегінде Владимир Путин мен Александр Лукашенко Ресей мен Беларусьті біріктіруге бағытталған 28 одақтық бағдарлама бойынша келісті. Келіссөздерден кейін Путин бағдарламалардың, басқалармен қатар, ортақ макроэкономикалық саясатқа, ақпараттық қауіпсіздікке, кеден және салық салуға, төлем жүйелерін интеграциялауға және ақша-кредит саясатын үйлестіруге қатысты екенін мәлімдеді.
