Оларға үгіт-насихат материалдарын таратқаны үшін де айып тағылуда.
Польша арнайы қызметтері тыңшылық және үгіт-насихат материалдарын таратқаны үшін екі Ресей азаматын ұстады. Бұл ақпаратты Польша ішкі істер министрі Мариуш Каминьский X әлеуметтік желі платформасындағы (бұрын Twitter деп аталған) аккаунтында жариялады.
Министр Польша Ішкі қауіпсіздік агенттігі полициямен бірлесіп, Краков пен Варшавада үгіт-насихат материалдарын белсенді түрде таратып жүрген екі Ресей азаматын анықтап, ұстағанын хабарлады. Екі адамға да тыңшылық жасады деген айып тағылып, қамауда отыр. Каминский барлау органдарының осы мәселе бойынша жұмысын үйлестіруде.
Естеріңізге сала кетейік, маусым айында 28 жастағы ресейлік хоккейші Максим С. Польшада ұсталып, үш айға қамалды. Елдің Ішкі қауіпсіздік агенттігі оның Ресейдің барлау қызметтері үшін ақпарат жинап, диверсиялық әрекеттерді жоспарлап жүргеніне сенеді.
