Армения Украинадағы қақтығыста Ресейді қолдамайды. Ереван бұл мәселеде Мәскеудің одақтасы емес. Премьер-министр Никол Пашинян бұл туралы Мюнхен қауіпсіздік конференциясында мәлімдеді.
«Мен Арменияның Украина мәселесінде Ресейдің одақтасы емес екенін көптен бері айтып келемін. Бұл біздің шынайы ұстанымымыз», - деп хабарлады Пашинян ТАСС агенттігіне.
Пашинянның айтуынша, украин халқы Армения азаматтарына достық қарым-қатынаста. Ол Ресей мен Украина арасындағы қақтығысқа әсер ете алмағанына өкінетінін қосты.
Пашинян бұған дейін Арменияда Ресей әскери базасының болуынан ешқандай артықшылық көрмейтінін айтқан болатын. Ол Ресей өзінің одақтық міндеттемелерін орындамағандықтан, оның орнына жаңа серіктестер іздеп жатқанын қосты, деп хабарлады Царьград телеарнасы .
