Пашинян: Армения ҰҚШҰ-ға қатысуын тоқтатты. Ереван шарт елге қатысты орындалмады деп санайды.
Армения премьер-министрі Никол Пашинян France24 арнасына берген сұхбатында Ереван Ұжымдық қауіпсіздік туралы шарт ұйымына (ҰҚШҰ) қатысуын тоқтатқанын мәлімдеді.
Пашинянның айтуынша, келісім Арменияға қатысты орындалмаған.
«Біздің ойымызша, Арменияға қатысты ұжымдық қауіпсіздік туралы шарт, әсіресе 2021-2022 жылдары орындалмады және бұл біздің назарымыздан тыс қалмады», - деді премьер-министр.
Ол жағдайдың қалай дамитынын бақылайтынын атап өтті.
Естеріңізге сала кетейік, ҰҚШҰ-ға Армениядан басқа тағы бес ел кіреді: Беларусь, Қазақстан, Қырғызстан, Ресей және Тәжікстан.
Бұған дейін Пашинян Армения Ресеймен бірлесіп қарулы күштерін реформалай алмайтынын мәлімдеген болатын.
