Ханзада Чарльз сенбі күні III Чарльз патша болып жарияланады, деп хабарлайды BBC.
Салтанатты рәсім Лондондағы Әулие Джеймс сарайында өтеді. Әдеттегідей, жаңа патша жарлық оқып, алғашқы мәлімдемесін жасайды. Ханзада Чарльз ресми түрде Чарльз III болып жарияланғаннан кейін, Лондонда зеңбірек атысы естіліп, британ тарихында жаңа корольдік дәуір басталады.
III Чарльздың таққа отыру рәсімінен кейін сағат 13:00-ден бастап, бүкіл ел бойынша ұлттық аза тұтуға байланысты түсірілген жалаулар 24 сағат бойы көтеріледі. Содан кейін олар қайтадан төмен түсіріледі.
Елизавета II патшайым Эдинбургтегі Әулие Джайлс соборында жерленеді.
The Guardian басылымының хабарлауынша, II Елизавета үшін ұлттық аза тұту екі аптадан астам уақытқа созылады. Барлық корольдік резиденциялар кем дегенде жерлеу рәсіміне дейін көпшілікке жабық болады.
Сонымен қатар, Лондон марқұм патшайымға құрмет көрсеткісі келетін адамдардың көптігіне байланысты көлік қозғалысының бұзылуы туралы ескертеді. Қоғамдық көліктердің кешігуі айтарлықтай болады.
