Кәсіпкер Олег Тиньков Ресей азаматтығынан бас тартты. Бұл туралы ол Instagram парақшасында тиісті куәліктің суретін жариялап хабарлады.
Тиньков көктемде Ресейдің Украинаға басып кіруін және жалпы Ресейдегі жағдайды айыптаған қатал мәлімдемелер жасаған. Наурыз айында оның акциялары бағасының төмендеуі оның миллиардер мәртебесінен айырылуына әкелді, ал Ұлыбритания үкіметі оны санкциялар тізіміне қосты.
Сәуір айының соңында ол өзі құрған Tinkoff Bank-тегі үлесін Владимир Потанинге сатты. Ол мәміле «ұлттандыру қаупіне байланысты» қысыммен жасалғанын мәлімдеді. Бағасы нарықтық құннан әлдеқайда төмен болды және «осыдан кейін оның Ресейде ештеңесі қалмады».
Tinkoff Bank өзі Кремльдің қысымы туралы айыптауларды жоққа шығарып, атауын өзгертетінін мәлімдеді.
Олег Тиньков Forbes тізіміндегі Ресей азаматтығынан бас тартқан бесінші бизнесмен. Бұған дейін Freedom Finance инвестициялық компаниясының негізін қалаушы Тимур Турлов, Troika Dialog негізін қалаушы Рубен Варданян, инвестор Юрий Милнер және Revolut стартапының негізін қалаушы Николай Сторонский бұл қадамға барған болатын.
