Жапония Сыртқы істер министрлігі 2003 жылдан бері алғаш рет Курил аралдарын Ресей басып алған аумақ деп сипаттады. Бұл бағалау министрліктің үкіметке арналған «Дипломатияның көк кітабы» атты жылдық есебіне енгізілді. Оңтүстік Курил аралдарының Күншығыс еліне тиесілі екендігі туралы тұжырымдама да ресми құжаттарға оралды.
Мәскеуде мұндай бағалаулардың жариялануы Ресей мен Жапония арасындағы бейбітшілік келісіміне тағы бір кедергі ретінде қабылданды.
«Әрине, Жапония достыққа келмейтін елге айналып, Ресей Федерациясына қарсы бірқатар дұшпандық әрекеттерге қосылғандықтан, келіссөздер процесін жалғастыру туралы айту өте қиын. Төрт аралдың барлығы Ресейдің ажырамас аумағы болып табылады», — Дмитрий Песков, Ресей Президентінің баспасөз хатшысы.
Жапония Хабомай аралдар тобын, сондай-ақ Кунашир, Шикотан және Итуруп аралдарын өзінің солтүстік жерлері деп мәлімдейді. Олардың жалпы ауданы теңіз экономикалық аймағын қоспағанда, шамамен 5000 шаршы шақырымды құрайды. Ресей Оңтүстік Курил аралдары Екінші дүниежүзілік соғыстан кейін Ресей Кеңестік Федеративтік Социалистік Республикасының құрамына кірді деп талап етеді.
Қаңтар айында Ресей Сыртқы істер министрлігі Токиоға бейбітшілік шартының баптарының жобасын тапсырғанын хабарлады. Наурыз айында Жапония Ресейге қарсы санкцияларға қосылғаннан кейін Мәскеу келіссөздерді жалғастырудан бас тартатынын мәлімдеді.
