Америкалық Maxar компаниясы түсірген спутниктік суреттер Мариуполь маңында 1500-ден астам жаңа қабір пайда болғанын көрсетті, деп хабарлайды Meduza BBC-ге сілтеме жасап.
Тәуелсіз Ақпараттық тұрақтылық орталығы үш жаңа жерлеу орнының фотосуреттерін зерттеді.
Сарапшылар қабірлердің 2022 жылдың маусымы мен қазаны аралығында пайда болғанын анықтады.
Орталықтың мәліметі бойынша, соғыс кезінде бұл жерде 4600-ден астам қабір қазылған. Сарапшылар фотосуреттерден мұнда жерленген адамдардың нақты санын анықтау мүмкін емес деген қорытындыға келді.
Украина билігі Мариупольдегі шайқаста кем дегенде 25 000 адам қаза тапқанын хабарлады. Мариупольдегі куәгерлер BBC-ге ресейлік әскерлердің қираған ғимараттардың қирандыларынан мәйіттерді алып шығып, жерлеу үшін алып кетіп жатқанын көргендерін айтты.
Жазда жергілікті тұрғын Татьяна ұлын іздеп жаппай зиратқа барды. Ол BBC-ге 800-ден астам жаңа қабірді санағанын айтты. Оның айтуынша, қабірлерге аты-жөні жазылмаған, тек саны мен жынысы жазылған тақтайшалар орнатылған. «Денелердiң көпшiлiгi анықталмаған», - деді ол.
Мариуполь мамыр айынан бері Ресейдің бақылауында. Шайқас кезінде қала толығымен дерлік қирады.
