Франция президенті Эммануэль Макрон Беларусь президенттігіне бұрынғы кандидат Светлана Тихановскаямен кездеседі, деп хабарлайды France 24.
Кездесу 29 қыркүйек күні таңертең Литвада өтеді деп жоспарланған. Бұл Тихановская Макроннан Беларусьтегі саяси дағдарысты шешуге делдал болуды және Ресей президенті Владимир Путинді осы процеске тартуды сұрағаннан кейін болды. Беларусь оппозициясының жетекшісі Макронды «Еуропа мен әлемдегі ең күшті көшбасшылардың бірі» деп те атады.
Бұған дейін Макрон Беларусьтегі наразылық білдірушілерге таңданысын білдіріп, президент Александр Лукашенконы өз еркімен қызметінен кетуге шақырған болатын. Бұған жауап ретінде Лукашенко француз көшбасшысына «тәжірибелі саясаткер сияқты» өз елінің ішкі істеріне назар аударуға кеңес берді.
Беларусьте 9 тамызда президент сайлауы өтті. Орталық сайлау комиссиясы Лукашенконың 80 пайыз, ал Тихановскаяның 10 пайыз дауыс жинағанын хабарлады. Бұл бүкіл елде жаппай наразылық акцияларын тудырды, олар қазір 50 күн бойы жалғасуда.
Дереккөзді оқыңыз
